Þjónusta við nemendur

Eitt af markmiðum bókasafns og upplýsingaþjónustu LHÍ er að stuðla að upplýsingalæsi innan LHÍ með fræðslu og ráðgjöf til nemenda, kennara og starfsfólks skólans.

Á hverju skólaári er bókasafns og upplýsingaþjónusta LHÍ með kynningar fyrir nýnema, en einnig hefur verið boðið upp á fræðslu fyrir nemendur sem eru lengra komnir í námi sínu, meistaranema, kennara og aðra starfsmenn skólans.

Tilgangur fræðslunnar er að kynna bókasafnið fyrir nemendum og þær upplýsingalindir, stafrænar og prentaðar, sem það veitir aðgang að og kenna þeim að nýta sér þær meðan á háskólanámi þeirra stendur. Einnig er lögð áhersla á mat á gæðum upplýsinga og að nemendur geti valið úr og notað þær á markvissan hátt.

Hægt er að panta fræðslu með því að senda póst á vigdist@lhi.is

Þjónusta við kennara

Kennurum LHÍ stendur til boða margvísleg þjónusta á bókasafninu.

  • Þeir geta lagt fram tillögur um hvað keypt skuli inn á þeirra sviðum. Um leið og efni berst fá þeir tilkynningu og eiga rétt á að taka það fyrstir að láni. Sjá nánar í aðfangastefnu safnsins. Tillögur skulu sendar á bokasafn@lhi.is
  • Kennarar geta beðið starfsfólk bókasafns að taka frá efni úr safnkosti og/eða lagt inn efni sem þeir eiga sjálfir í námsbókasafn. Með því móti má tryggja öllum nemendum í námskeiði aðgang að efninu. Mikilvægt er að bókasafninu berist upplýsingar um efni sem á að vera í námsbókasafni með góðum fyrirvara. Hægt er að senda beiðnir um námsbókasöfn á namskeid@lhi.is
  • Hægt er að fá bókasafns- og upplýsingafræðing til að koma í tíma með kynningu/kennslu í heimildaleitum í tengslum við verkefnavinnu nemenda og ef kennarar viilja sjálfir læra betur að nota tiltekin gagnasöfn er boðið upp á einstaklingskennslu.
  • Æskilegt er að kennarar geti heimilda í námskeiðslýsingum sínum á MySchool og að þeir geri bókasafni viðvart um það áður en námskeið hefst.
  • Kennarar eru hvattir til að kynna sér reglur um útlán o.fl. sem liggja frammi í afgreiðslu safnsins og á heimasíðu safnsins, bokasafn.lhi.is

Nánari upplýsingar um þjónustu má fá í útibúum safnsins og/eða með því að senda fyrirspurn á bokasafn@lhi.is