Bókasafn og upplýsingaþjónusta Listaháskóla Íslands sinnir millisafnalánum fyrir nemendur og kennara skólans. 

Millisafnalán eru lán frá öðrum bókasöfnum á bókum eða tímaritsgreinum sem ekki eru til á bókasafni LHÍ. 
Millisafnalán eiga ekki við um lán frá almenningsbókasöfnum á höfuðborgarsvæðinu. 
Lánþegum er bent að sækja sér þjónustu milliliðalaust á þau bókasöfn. 

Ætlast er til að lánþegar leiti sjálfir að efni á leitir.is og sendi allar beiðnir þaðan. 

Millisafnalán er pantað á leitir.is. Notandi þarf að skrá sig inn með sinni kennitölu og lykilorði og velja síðan mínar síður. Hægt er að skoða stöðu lána á ýmsum bókasöfnum t.d. ef lánþegi er með skríteini á mörgum söfnum.  Notandi getur fylgst með stöðu beiðninnar með því að skoða virk millisafnalán. Þegar búið er að finna efnið sem á að panta og eða fylla út upplýsingar um tímaritsgrein eða bók sem ekki er til í Gegni  þá er smellt á hnappinn panta millisafnalán og pöntunin fer af stað.

Við afgreiðum millisafnalán eins fljótt og hægt er og er lánstími gagna 30 dagar en hægt er að biðja um endurnýjun. Endurnýjun á gögnum frá erlendum söfnum þarf að biðja um áður en lánstími rennur út.

Rit og greinar eru afhent í afgreiðslu útlána í útibúum safnsins í Þverholti og Laugarnesi.

Gjaldskrá
Starfsfólk og kennarar Listaháskóla Íslands greiða ekkert fyrir millisafnalán, en nemendur greiða hálft gjald fyrir ljósrit og bókarlán.

Aðrir greiða samkvæmt neðangreindum taxta
Ljósrit af grein - 1000 kr.
Bækur frá innlendum söfnum - 1000 kr.
Bækur frá erlendum söfnum - 2000 kr.

Beiðni um millisafnalán er bindandi og verður rukkað fyrir ósóttar beiðnir.

Ef einhver vandræði koma upp vinsamlega hafið samband við bókasafnið í síma 545 2217 eða sendið tölvupóst á millisafnalan@lhi.is.

GJALDSKRÁ MILLISAFNALÁNA

Starfsfólk og kennarar Listaháskóla Íslands greiða ekkert fyrir millisafnalán, en nemendur greiða hálft gjald fyrir ljósrit og bókarlán.

Aðrir greiða samkvæmt neðangreindum taxta

Ljósrit af grein - 1000 kr.
Bækur frá innlendum söfnum - 1000 kr.
Bækur frá erlendum söfnum - 2000 kr.

 

Beiðni um millisafnalán er bindandi og verður rukkað fyrir ósóttar beiðnir.

 

Ef einhver vandræði koma upp vinsamlega hafið samband við bókasafnið í síma 545 2217 eða sendið tölvupóst á millisafnalan@lhi.is.