Markmið námsbrautarinnar eru:
- að styrkja persónulega sýn, rannsakandi afstöðu og aðferðir nemenda innan sviðslista
- að virkja nemendur til sjálfstæðrar listrænnar ákvarðanatöku
- að skapa nemendum dýnamískt og innblásandi umhverfi og tækifæri til að þroska og þróa eigin nálgun og listsköpun
- að dýpka skilning og bæta við þekkingu nemenda á listgreininni
- að stuðla að nýsköpun innan sviðslista
Nemendur fá:
- Vinnustofur, málstofur og fyrirlestra leidda af íslenskum og alþjóðlegum lista- og fræðimönnum í fremstu röð.
- Stuðning og leiðbeiningu við að þróa eigin aðferðafræði innan sviðslista.
- Reynslu af því að vinna í þverfaglegu samstarfi.
- Tækifæri til að nálgast sköpun með rannsakandi afstöðu til aðferða og viðfangsefnis.
- Grunn í samtíma menningar- og sviðslistafræðum
- Stuðning og leiðbeiningu við að þróa hugmyndir og sviðsetningu lokaverkefnis.
Meistaranám í samtíma sviðslistum er fullt eins árs nám til 90 ects.
Uppbygging námsins skiptist í sjálfstæða listsköpun, vinnustofur, málstofur, fræðigreinar og lokaverkefni.
Miðað er við að nemendur ljúki 30 ects á hverju misseri.