Fyrir hverja er námskeiðið: Námskeiðið hentar þeim sem vilja nota möguleika Fab- Labs í skapandi starfi og/eða miðlun. Valnámskeið í meistaranámi í listkennslu.

Í námskeiðinu eru kynntir möguleikar til að tvinna saman skapandi nám og stafræna smiðju/Fab- Lab. Nemendur öðlast þá innsýn með vinnu á fjölbreyttum verkefnum sem endurspegla möguleika Fab- Labsins. Til þess er notaður frjáls hugbúnaður tvívíddar-og þrívíddar forrit sem eru aðgengileg í notkun. Verkefnin eru unnin í anda nýsköpunar þar sem að nemandinn mótar þau út frá eigin athugunum og þörfum.

Námsmat: Verkefni námskeiðisins eru metin út frá leiðsagnamati, sjálfsmat út frá matskvörðum og  jafningjamati. Við námsmat er horft til þátta eins og frumleika, hugvits, verklags og frágang verkefna.

Kennarar: Hugrún Þorsteinsdóttir og Soffía Margrét Magnúsdóttir.

Hugrún Þorsteinsdóttir er menntaður arkitekt frá Háskólanum í Stuttgart auk þess sem að hún lauk M.art.Ed frá LHÍ í listgreinakennslu  Hún hefur undanfarin ár kennt við listnámsbraut FB, Nýsköpunarbraut FÁ og Listasafni Reykjavíkur, auk þess starfar hún sem arkitekt. Hún hefur undanfarin ár kennt áfanga þar sem að sköpun, hönnun, stafræn tækni og nýsköpun haldast í hendur.
Soffía Margrét Magnúsdóttir er með BA gráðu í textílhönnun frá College for Arts and Crafts, Kerteminde í Danmörku. Hún er kennari á Listnámsbraut, fata- og textílkjörsviði í Fjölbrautaskólanum Breiðholti. Soffía hefur einnig verið kennari í Fab- Lab Reykjavík frá opnun 2014 og haldið fjölda námskeiða fyrir kennara á grunn- og framhaldsskólastigi með áherslu á stafræna framleiðslu, nýsköpun og frumkvöðlafræði í Fab- Lab smiðju.

Staður og stund: Nánari upplýsingar síðar.

Tímabil: Nánari upplýsingar síðar. 

Verð: 49.000 kr. (án eininga) / 61.200 kr. (með einingum).

Forkröfur:  BA. gráða eða sambærilegt nám.