Innskráning á tölvur skólans

Þegar ætlunin er að vinna á heimasvæði á tölvum skólans er gengið að einhverri tölvu skólans og þar tekur við innskráningargluggi (login) Þar skráir nemandi inn notandanafn sitt (sama og fyrsti hluti netfangs) og lykilorð. Þar með birtist heimasvæði nemanda. Þar eru geymdar skrár, forrit og stillingar sem nemandi sjálfur setur inn.

Að tengjast skráaþjónum skólans

Aðal skráaþjónn skólans er nú „xs1.lhi.is“. 

Tenging í gegnum Mac OSX

Til að tengjast úr Mac OSX er valið „Connect to server“ úr „Go“ valblaðinu (birtist í valröndinni efst á skjánum í Finder). Neðst á þeirri síðu er reitur sem heitir „Address“. Þar skal slá inn „xs1.lhi.is“ og velja „Connect“.  Þá birtist innskráningarblað, þar skal fylla inn notandanafn og lykilorð og velja „Connect“ aftur. Þá birtast þeir möguleikar til tenginga sem viðkomandi nemandi hefur rétt á. Efst er kennitala nemanda. Þar undir er heimasvæði nemandans á skráaþjóni skólans sem birtist þegar nemandi er innskráður á vélum skólans. Þar fyrir neðan eru hugsanlega möppur sem eru sameiginleg svæði nemenda.

Póstur og vefpóstur

Listaháskólinn er í samstarfi við Office365 um vefpóst og skýjaþjónustu. Netföng nemenda og starfsmanna t.d. „nemandi16@lhi.is“ er í raun netfang hjá Microsoft
Nemendur og starfsmenn skrá sig inn á vefsvæði 365.lhi.is með fullu netfangi og lykilorði. Hver notandi hefur 1 TB til umráða fyrir póst og skrár. Við mælum með því að nemendur noti lhi.is netföng sín fyrir samskipti sín á milli og póstur á vegum skólnas er eingöngu sendur á „@lhi.is“ netföng. 

Prentun

Prentunaraðstaða er lögð til víðsvegar um skólann. Hver nemandi fær úthlutað ákveðnum prentkvóta. Kvóti hefur verið ákeðinn 100 A4-blöð í lit á nemanda á önn. Það samsvarar 200 A4-blöðum í svarthvítu, 50 A3-blöðum í lit eða 100 A3-blöðum í svarthvítu. 

Kostnaður á hvert blað er:
A4 svarthvítt 5 punktar
A4 í lit 10 punktar
A3 í svarthvítu 10 punktar
A3 í lit 20 punktar
Hver punktur kostar 5 krónur

Hér er hægt að athuga preninneign (sama notandanafn og lykilorð og í MySchool)

Klárist prentkvóti er hægt að kaupa viðbótarkvóta í afgreiðslunni í hverju húsi. 

Á prenturum/ljósritunarvélum í Þverholti og Laugarnesi er sjálfgefið að prenta báðu megin í lit.

Leiðbeiningar um að prenta öðrumegin í lit og vista þær stillingar:
Leiðbeiningar um að prenta báðummegin í svarthvítu og vista þær stillingar: 
Leiðbeiningar um að prenta öðrumegin í svarthvítu og vista þær stillingar: