Veitt voru verðlaun í myndbandasamkeppni sem efnt var til s.l. vor í tilefni afmælisársins. Samkeppnin snéri að því að gera stutt myndband sem vekja myndi athygli áhorfandans á Erasmus skiptinámi. Hlutskörpust í þeirri keppni varð Ragnheiður Maísól Sturludóttir, nemandi myndlistardeildar.
Ragnheiður Maísól stundaði skiptinám við Academy of Fine Arts í Helsinki á s.l. vorönn og vann myndbandið á meðan á skiptinámsdvölinni stóð. Annað sæti skipaði Patrick Doodt, Erasmus skiptistúdent við HÍ skólaárið 2010-11. Patrick kom frá Technische Universität Dortmund í Þýskalandi. Þriðja sætið skipaði Thomas Bogner, Erasmus skiptistúdent við Háskólann í Reykjavík skólaárið 2011-2012. Heimaskóli Thomasar er Hchschule Deggendorf í Þýskalandi.
Hægt er að skoða verðlaunamyndböndin á heimasíðu LME:
Við óskum Ragnheiði Maísól hjartanlega til hamingju með verðlaunin.