Fyrir hverja er námskeiðið/Námsstig:
Námskeiðið er opið bæði arkitektum og hönnuðum sem vilja bæta við sig þekkingu í faginu og öllu áhugafólki um hönnun og arkitektúr. Námskeiðið er á BA stigi.  

Í námskeiðinu er farið yfir þróun byggingarlistar á Íslandi frá aldamótunum 1900 og til samtímans. Fjallað verður um tæknilegar og samfélagslegar forsendur húsagerðar á ólíkum tímaskeiðum. Þá verður stílhugsun, hugmyndafræði og verk einstakra arkitekta sett í samhengi við heildarþróun byggingarlistar á tímabilinu.

Námsmat: ritgerð og próf

Kennari: Pétur H. Ármannsson nam arkitektúr við University of Toronto í Kanada og lauk meistaraprófi í sömu grein frá Cornell-háskóla í Bandaríkjunum árið 1990. Hann var deildarstjóri byggingarlistardeildar Listasafns Reykjavíkur 1993-2005 og hefur kennt við arkitektúr- og hönnunardeild Listaháskóla Íslands frá stofnun hennar. Hann var arkitekt hjá Glámu–Kími arkitektum ehf. 2005-2013 og starfar nú sem sviðsstjóri skipulags- og umhverfis hjá Minjastofnun Íslands. Pétur er höfundur bóka, greina, fyrirlestra og dagskrárefnis um arkitektúr á Íslandi á 20. öld.

Staður og stund: Þverholt 11, þriðjudaga og fimmtudaga kl. 10:30-12:10

Tímabil: 7. nóvember - 5. desember 2017

Forkröfur: BA gráða í arkitektúr og hönnun eða sambærilegt nám

Nánari upplýsingar: Eva María Árnadóttir, verkefnastjóri hönnunar- & arkitektúrdeildar: evamaria@lhi.is