Listaháskólinn tekur virkan þátt í alþjóðlegu samstarfi. Skólinn er aðili að tveimur viðamiklum samskiptaáætlunum, Nordplus menntaáætlun Norðurlandaráðs og Menntaáætlun Evrópusambandsins.  Þessar áætlanir gera skólanum kleift að sækja um styrki til nemenda og kennaraskipta, starfsnáms og stærri samstarfsverkefna. Að auki hefur Listaháskólinn gert tvíhliða samninga um nemenda- og kennaraskipti við háskóla utan Evrópu. Samstarfsskólar Listaháskólans eru um 170 talsins.

Nemendur, kennarar og annað starfsfólk geta sótt um styrki gegnum þessar áætlanir. Alþjóðaskrifstofa LHÍ leggur áherslu á að aðstoða nemendur við að sækja um sem skiptinemar í erlendum samstarfsskólum. Kynningarfundir eru haldnir reglulega í deildum skólans um tækifæri til skiptináms og starfsnáms, og möguleika á styrkjum.  Ennfremur aðstoðar alþjóðaskrifstofa starfsfólk skólans við að undirbúa og sækja um styrki til starfsmanna- og kennaraskipta.

Listaháskólinn tekur virkan þátt í eftirtöldum samtökum og samstarfsnetum:

ELIA samtök listaháskóla í Evrópu
AEC samtök Evrópskra tónlistarháskóla
Cumulus alþjóðleg samtök hönnunarháskóla
EAAE samstarfsnet háskóla í Evrópu á sviði arkitektúrs
PARADOX samtök háskóla í Evrópu á sviði sjónlista

Starfsmenn alþjóðaskrifstofu Listaháskólans eru:
Alma Ragnarsdóttir, forstöðumaður, s. 545 2205
Helga Soffía Einarsdóttir, alþjóðafulltrúi, s. 545 2227
Þorgerður Edda Hall, verkefnisstjóri, s. 545 2227

Alþjóðaskrifstofa Listaháskólans er staðsett á aðalskrifstofu skólans í Þverholti 11.  

Viðtalstími alþjóðaskrifstofu er mánudaga - fimmtudaga frá kl. 09.00 - 16.00.
Auk þess hefur alþjóðafulltrúi fasta viðveru á Sölvhólsgötu og í Laugarnesi tvisvar sinnum í mánuði.